Ўзбеклигимдан мен хўрланиб кетдим,
Бошимда шу қаро кунлар бор экан!
Халқим гунглигидан орланиб кетдим,
Тобеъликка бир умр гирифтор экан.
Тилим йўқлигидан хорланиб кетдим,
Қуллигим кимларгадир даркор экан.
Золимлар зулмидан зорланиб кетдим,
Дардим сиғдиришга олам тор экан.
Учқун эдим чўғланиб кетдим,
Ҳур фикрли инсонни тенги дор экан.
Ноҳақликларга ҳам ўрганиб кетдим,
Ўғри, муттаҳамга омад ёр экан.
