Шоҳ ҳузурида
масхарабоз,
Сарой аҳлин кўнглин овлаган.
Вазиятни юмшатиб бироз,
Аъёнларнинг дилин чоғлаган.
Баъзилари гапириб эркин,
Ҳатто шоҳни қилишган танқид.
Амалдорлар тинглашган, лекин,
Асло унга қилмаган тақлид.
Арзу додга солмасдан қулоқ
Вазифасин унутганда шоҳ,
Кулги баҳонасида гоҳ-гоҳ,
Халқ ғамидан қилинган огоҳ.
Ҳақ йўлида бўлиб поёндоз,
Умрини тиккан масхарабоз.
Бошга бало бўлиб ҳақ сўзи,
Ўз тақдирин ҳал қилган ўзи.
Оғир бўлган унинг қисмати,
Дор тагида тугаб хизмати.
Тугаганда шоҳнинг
бардоши,
Танасидан олинган боши.
| 
