Талқон ютганмисан, айланмас тилинг?
Тақдиринг ҳал бўлмоқда, бурма юзинг.
Тилка-пора бўлдику бағру дилинг,
Халқим гапирсангчи охирги сўзинг!
Емоққа йўқдир бир бурда нонинг,
Қул бўлиш маьқулми, аяйсан жонинг?
Яна қачон булар бундай имконинг?
Халқим гапирсангчи охирги сўзинг!
Асрлар оша аждодлар қилган ҳавас,
Сенга насиб қилган, очсанчи кўзинг!
Наҳот озодликдан афзалдир қафас?
Халқим гапирсангчи охирги сўзинг!
Авлодлар олдида жавобгарлик бор,
Қандай кўтарамиз бош, қилмасдан ор?
Тўғри йўл танлашга ҳали имкон бор,
Халқим гапирсангчи охирги сўзинг!
Қачонгача қонингни ичади қотил?
Тиз чўкма!
Мағрур бўл!
Ўз қадрингни бил!
Тақдиринг қўлингда, хулосангни қил,
Халқим қўрқмай гапир охирги сўзинг!
