Боғда булбул нолийди Ёқимли қуш бўлсам деб, Менинг кўнглим уксийди Ҳур замонни кўрсам деб. Юрак қурғур қўймайди Бу кунимдан ўлсам деб, Халқим қон-қон йиғлайди Озод бўла олсам деб.
Қотил қонга тўймайди Тахтин йўқотмасам деб, Авом парво қилмайди Очликдан ўлмасам деб.
Айтинг, ким ҳам куймайди Фаровонлик бўлсин деб? Виждоним куп қийнайди Юртим обод бўлсин деб. Тунлар уйқум келмайди Бахтли кунлар келсин деб, Халким бир кўзғалсайди Золимлар йуқолсин деб. Кишанин ирғитсайди «Диктатор йўқолсин»,- деб, Тўй томоша қилсайдик Душманимиз куйсин деб.
| 
